నేనెల్లప్పుడు యెహోవను సన్నుతించెదన్
నేనెల్లప్పుడు యెహోవను సన్నుతించెదన్ నిత్యము ఆయన కీర్తి నా నోట నుండున్ అంతా నా మేలుకే – ఆరాధన యేసుకే అంతా నా మంచికే – తన చిత్తమునకు తల వంచితే తన చిత్తమునకు తల వంచితే ఆరాధన ఆపను – స్తుతియించుట మానను స్తుతియించుట మానను కన్నీళ్లే పానములైనా – కఠిన దుఃఖ బాధలైనా స్థితి గతులే మారినా – అవకాశం చేజారినా మారదు యేసు ప్రేమ – నిత్యుడైన తండ్రి ప్రేమ మారదు యేసు ప్రేమ – నిత్యుడైన తండ్రి ప్రేమ ఆస్తులన్ని కోల్పోయినా – కన్నవారే కనుమరుగైనా ఊపిరి భరువైనా – గుండెలే పగిలినా యెహోవా ఇచ్చెను – యెహోవా తీసుకొనెను ఆయన నామమునకే – స్తుతి కలుగు గాక అవమానం ఎంతైనా – నా వారే కాదన్నా నీవు తప్ప ఎవరున్నారు ఆకాశమందున నీవు నాకుండగా – ఏది నాకక్కర లేదు నీవు నాకుండగా – ఏది నాకక్కర లేదు ఆశలే సమాధియైనా – వ్యాధి బాధ వెల్లువైనా అధికారం కొప్పుకొని – రక్షణకై ఆనందింతును నాదు మనస్సు నీ మీద – ఆనుకొనగా ఓ నాథా పూర్ణ శాంతి నే పొంది – నిన్నే నే కీర్తింతున్ చదువులే రాకున్నా – ఓటమి పాలైనా ఉద్యోగం లేకున్నా – భూమికే భరువైనా నా యెడల నీ తలంపులు – ఎంతో ప్రియములు నీవుద్దేశించినది – నిశ్ఫలము కానేరదు సంకల్పన పిలుపొంది – నిన్నే ప్రేమించు నాకు సమస్తము సమకూడి – మేలుకై జరుగును యేసుని సారూప్యము – నేను పొందాలని అనుమతించిన ఈ – విలువైన సిలువకై నీవు చేయునది – నాకిప్పుడు తెలియదు ఇక మీదట నేను – తెలిసికొందును ప్రస్తుతము సమస్తము – దుఃఖ కరమే అభ్యసించిన నీతి – సమాధాన ఫలమే
Follow Us
