దేవుడే కనిపించి నీకేమి కావాలని అడిగితే

దేవుడే కనిపించి నీకేమి కావాలని అడిగితే
నీ బదులేమో మానవా ?
ధనము కోరుతావా ఆ..ఆ... ఘనము కోరుతావా ఆ..ఆ... (2)
అల్పకాల పాపభోగములను కోరుతావా || దేవుడే ||


జ్ఞానమును అడిగాడు పాపములో మునిగి
అజ్ఞానిగా మిగిలాడు సొలొమోను ఆనాడు
బలమును పొందాడు బలవంతుడయ్యాడు
బలహీనతలో పడి పోయాడు సమ్సోను
జ్ఞానులు బలవంతులు బంధీలై పోగా
బలహీనుడవైన నీవు ఏమి కోరుతావో.
ప్రభు కృపను కోరుతావో... || దేవుడే ||


మన రక్షణ కోరాడు మనకై ఏతెంచాడు
మనస్థానమందు నిలచి మరణించె మనప్రభువు
ఆత్మలను అడిగాడు హతసాక్షి అయ్యాడు
అందరికి మాదిరిని చూపాడు ఆ పౌలు
యేసువైపు చూస్తు నీవు పయనమయోతావో
ఆ దేవుని దయను కోరి ధన్యుడౌతావో.
మరి ఏమి కోరుతావో… || దేవుడే ||