
ఆశ్రయుడా నా యేసయ్య
ఆశ్రయుడా నా యేసయ్య స్తుతి మహిమా ప్రభావము నీకేనయ్యా (2) విశ్వవిజేతవు సత్యవిధాతవు - నిత్య మహిమకు ఆధారము నీవు (2) లోకసాగరాన కృంగినవేళ - నిత్యమైన కృపతో వాత్సల్యము చూపి నను చేరదీసిన నిర్మలుడా నీకేనయ్యా ఆరాధన - నీకేనయ్యా స్తుతి ఆరాధన (2) 1) తెల్లని వెన్నెలకాంతివి నీవు - చల్లని మమతల మనసే నీవు (2) కరుణని చూపి కలషము బాపి - నన్ను ప్రేమించిన ప్రేమవు నీవు (2) జనులకు దైవం జగతికి దీపం నీవు గాక ఎవరున్నారు నీవే నీవే ఈ సృష్టిలో కొనియాడబడుచున్న మహారాజవు (2) 2) జీవితదినములు అధికములగునని - వాగ్దానము చేసి దీవించితివి (2) ఆపత్కాలమున అండగనిలిచి - ఆశల జాడలు చూపించితివి (2) శ్రీమంతుడవై సిరికే రాజువై వ్యధలను బాపి నా స్థితి మార్చితివి అనురాగమే నీ ఐశ్వర్యమా సాత్వికమే నీ సౌందర్యమా (2) 3) నీ చిత్తముకై అరుణోదయమున - అర్పించెదను నా స్తుతి అర్పణ (2) పరిశుద్ధులలో నీ స్వాస్థ్యము యొక్క - మహిమైశ్వర్యము నేపొందుటకు (2) ప్రతి విషయములలో స్తుతి చెల్లించుచు పరిశుద్ధాత్మలో ప్రార్థించేదను పరిశుద్ధుడా పరిపూర్ణుడా నీ చిత్తమే నాలో నెరవేర్చుమా (2)


Follow Us