నీ సన్నిధే నాకు తోడుగా

నీ సన్నిధే నాకు తోడుగా- విశ్రాంతిని కలుగజేయగా
మాట యిచ్చినవాడువు నమ్మదగినవాడవు 
మా కార్యములన్ని సఫలము చేస్తావు 
యేసయ్యా మా రాజా యేసయ్యా యజమానుడా 

నీవు మాటయిచ్చి నీ తోడని ప్రమాణము చేసిన 
నీకంటే గొప్పవారు ఎవరున్నారయ్యా  
నీవు ఆశీర్వదిస్తే ఆపగలవారెవరున్నారుయ్యా 
ఆ రాజులు సైతం చిన్నవారేగా 
ఆధికారులు సైతం అల్పులే కదా 
యేసయ్యా మా రాజా - యేసయ్యా యజమానుడా 

నీ మహిమయే మేఘముగా ఈ గుడారము నిండిన 
నీ రూపే నాలోన నే చూస్తున్నానయ్యా 
నీవు మార్చిన ఈ జీవితం ఊహించలేదయ్యా 
క్షమించగలిగే మనసిచ్చావయ్యా 
ప్రేమించగలిగే వరమిచ్చావయ్యా 
యేసయ్యా మా రాజా - యేసయ్యా యజమనుడా 

నీ తలపే నా యెడ ఘనమైనది యేసయ్యా
నా గమ్యం నీతోనే - అది- నిశ్చయమేస్వయ్యా  
నేను కొరుకున్న ఆ రేవుకే నడిపిస్తావయ్యా
చూచుచున్న దేవుడ నివయ్యా 
నీ బాహుబలము తగ్గలేదయ్యా 
యేసయ్యా మా రాజా యేసయ్యా యజమనుడా