రక్షకుని జన్మస్థలమా

రక్షకుని జన్మస్థలమా
యూదయ బెత్లహేమా  (2)
ఆరాధనలకు ఆరంభమా
హృదయార్పణలకు నివాసమా  (2)
ఎందుకో ఇంత భాగ్యము
దాచిఉంచే ప్రభు నీకోసము (2)

స్తుతియు మహిమ ప్రభావము
ఎల్ల వేళల ప్రభుకే చెందును  (2) // రక్షకుని //

1. ప్రవచించే నాడు ప్రవక్తలు
క్రీస్తు జన్మ శుభవార్తను
ఆశించే నాడు కన్యలు
ప్రభువుకు జన్మ నివ్వాలని  (2)
తండ్రి చిత్తమే నెరవేరగా
కన్య మరియకే ప్రాప్తించగా
జన్మించే యేసు మహారాజుగా –
కాలము విడిపోయే రెండుగా (2)  // స్తుతియు //

2. నోటి మాటతో సృష్టిని
తనచేతులతో ఈ మనిషిని
చేసిన దేవుడు దీనుడై
పవళించెను పశువుల పాకలో  (2)
నీ చరిత్రనుమార్చు దేవుడు
తన మహిమనే నీ కిచ్చెను
యూదా ప్రధానులందరిలో –
నీవు అల్పమైనదానవు కావు  (2)  // స్తుతియు //

3. దివిలోని దూతగణములు
సైన్య సమూహమై దిగివచ్చిరి
సర్వశక్తి సంపన్నునికి
స్తోత్ర గీతమే అర్పించిరి  (2)
సర్వలోక కల్యాణముకై
లోక పాప పరిహారముకై
దిగివచ్చిన యేసు పూజ్యుడని –
అర్భాటించి కీర్తించెనుగా  (2)   // స్తుతియు //

4. రక్షకునిచూడవచ్చిన
ఆ గొల్లలు జ్ఞానుల సందడితో
రాజులగుమ్మమును చేరెను
అగోచరుడైన యేసువార్తలు  (2)
సింహ స్వప్నమై నిలిచెనుగా
సింహాసనములు అదిరెనుగా
శిరమువంచి శ్రీమంతునికి –
సాటిలేరని కొలిచిరిగా  (2)   // స్తుతియు //