మహా రాజువే మా నాయకుడవే

మహా రాజువే మా నాయకుడవే నడిపించు నా దైవమే
ప్రతీ స్థలమునా జతె చేరినా ప్రియమైన నా హితుడవే       ||2||
ప్రతి స్థితిలోన నడిపిన వైనం ఆశ్చర్యమే కలిగించే ప్రతి క్షణం      ||2||
ఆరాధింతును అను నిత్యము నిను కొనియాడెదను నిరతము       ||2||


శత్రు భయముతో మది అలజడితో మార్గమే కానక నిలచిన వారికి      ||2||
చెదరిన గుండెకు బలమివ్వగా నిలిపితివి సంద్రము జలరాశిగా
విస్మయ మొందెను వెనుతిరుగగా మరణించే శత్రువు కనిపించక
స్తుతియుంచుచూ సాగేనాపయనము చేర్చితివి క్షేమముగా ఆ గమ్యము      ||2||

మంటిని కూర్చి పాత్రగ మలచి నీ పోలికనిచ్చి మహిమగ తీర్చి       ||2||
నిలిపితివి నన్ను నీవానిగా ఆత్మల రక్షణకై ఒక ప్రమిదగా
సాగెదను నేను నీ సాక్షిగా నీ స్వరము నాలో ధ్వనియించగ
ఇదే నాకు నిజమైన నిరీక్షణ నీ కౌగిలిలో నాకు సంరక్షణ       ||2||

మరణము గెలిచన మృత్యుంజయుడవు మహిమతో దిగివచ్చు నా మహారాజువు       ||2||
నీ మహిమ రాజ్యములో నిలవాలని జయించినవారితో గడపాలని
ఈ వాంఛ తీరగ తెరువేదని అక్షయుడా చేరితి నీ శరణి
వర్ణింపలేనయ్య నా భాగ్యము కడవరకు కృపలోనే నా పయనము.