బహు సౌందర్య సీయోనులో

బహు సౌందర్య సీయోనులో స్తుతి సింహాసనాసీనుడా 
నా యేసయ్య నీ ప్రేమ పరిపూర్ణమై నా హృదయాన కొలువాయెనే 
నను జీవింపజేసే నీ వాక్యమే  నాకిలలోన సంతోషమే

పరిశుద్ధతలో మహనీయుడవు - నీవంటి దేవుడు జగమునలేడు (2)
నాలో నిరీక్షణ - నీలో సంరక్షణ నీకే నా హృదయార్పణ (2)

ఓటమి నీడలో క్షేమము లేక - వేదన కలిగిన వేళలయందు (2)
నీవు చూపించిన నీ వాత్సల్యమే నా హృదయాన నవజ్ఞాపిక (2)

ఒంటరి బ్రతుకులో కృంగిన మనసుకు - చల్లని నీ చూపే ఔషధమే (2)
ప్రతి అరుణోదయం నీ ముఖదర్శనం నాలో నింపెను ఉల్లాసమే (2)