ఇదిగో నీ యెడల ఒక

ఇదిగో నీ యెడల ఒక నూతన కార్యము చేసెదను
అని పలికిన యేసయ్యా - నమ్ముచున్నాను నీ మాట
జరుగుచున్నవి కార్యములు

నీరు కట్టిన తోటవలె - నీవెల్లప్పుడు ఉండెదవు
ఎండిన మోడు చిగురించెగా - జీవనది నీలోనె

నేనె నీకు తోడై - నిను గొప్పచేసెదనంటివే
కన్నీళ్ళతోనే వేసిన విత్తనం - వెయ్యిరెట్లాయెనే

నీవే నా దేవుడవు - కృతజ్ఞతాస్తుతులర్పింతును
నీకార్యములను జనముల యెదుట - పాడి ప్రకటించెద

నీకే మహిమ ఘనత - యుగయుగములలో తరతరములలో
నమ్మిన వారిని అంతము వరకు - చేయి విడువవుగా