ఇన్నాళ్లు తోడుగా మాతో నడిచావు

ఇన్నాళ్లు తోడుగా మాతో నడిచావు
ఇమ్మానుయేలుగా వెన్నంటి నిలిచావు
ఇశ్రాయేలు కాపరి నీకు స్తోత్రము
నిన్నే అనుసరింతుము జీవితాంతము

ఘనులైన వారే గతియించగా
ధనమున్నవారే మరణించగా 
ఎన్నతగని వారమైనా మమ్ము కనికరించావు
మా దినములు పొడిగించి సజీవులుగా ఉంచావు 

మా కంట కన్నీరు జారకుండగా
ఏ కీడు మా దరికి చేరకుండగా 
కంటి రెప్పలా కాచి భద్రపరచియున్నావు
దుష్టుల ఆలోచనలు భంగపరచియున్నావు

ఈ లోక యాత్రలో సాక్షులుగా 
నీ రాజ్య వ్యాప్తిలోపాత్రలుగా 
ఎట్టి యోగ్యతలేని మమ్ము ఎన్నుకున్నావు 
నీదు ఆత్మశక్తితో నింపి నడుపుచున్నావు