జీవప్రదాతవు నను రూపించిన

జీవప్రదాతవు నను రూపించిన శిల్పివి నీవే ప్రభు 
జీవనయాత్రలో అండగానిలిచే తండ్రివి నీవేప్రభు 
జగములనేలే మహిమాన్వితుడా - నా యెడ నీ కృపను 
జాలిహృదయుడా నాపై చూపిన వీడని నీ ప్రేమను 
ఏమనిపాడెదనూ - ఏమని పొగడెదను

శుభకరమైన తొలిప్రేమనునే - మరువక జీవింప కృపనీయ్యవా (2)
కోవెలలోని కానుకనేనై - కోరికలోని వేడుక నీవై 
జతకలిసి నిలిచి - జీవింపదలచి కార్చితివి నీరుధిరమే 
నీ త్యాగ ఫలితం నీ ప్రేమ మధురం నా సొంతమే యేసయ్యా

నేనేమైయున్న నీ కృపకాదా - నాతో నీ సన్నిధిని పంపవా (2)
ప్రతికూలతలు శృతిమించినను - సంధ్యాకాంతులు నిదురించినను 
తొలివెలుగు నీవై - ఉదయించినాపై నడిపించినది నీవయ్యా 
నీ కృపకు నన్ను పాత్రునిగా చేసి బలపరచిన యేసయ్యా

మహిమను ధరించిన యోధులతో కలసి - దిగివచ్చెదవు నాకోసమే (2)
వేల్పులలోన బహుఘనుడవు నీవు - విజయవిహారుల ఆరాధ్యుడవు 
విజయోత్సవముతో - ఆరాధించెదను అభిషక్తుడవు నీవని 
ఏనాడూపొందని ఆత్మాభిషేకముతో నింపుము నా యేసయ్యా