అదిగదిగో పరలోకము

అదిగదిగో పరలోకము నుండి  దిగివచ్చే వధువు సంఘము 
వరుణివలే పరిపూర్ణ  సౌందర్యమును ధరించుకున్నది

అల్ఫా ఓమేఘయైన నా ప్రాణప్రియునికి     
నిలువెల్ల నివేదించి మైమరతునే
నా యేసు రాజుతో లయము కాని రాజ్యములో 
ప్రవేశింతునే పరిపూర్ణమైన పరిశుద్ధులతో

కళ్యాణ రాగాలు ఆత్మీయ క్షేమాలు
తలపోయుచూనే పరవశింతునే
రాజాధిరాజుతో స్వప్నాల సౌధములో
విహరింతునే నిర్మలమైన వస్త్రధారినై

జయించినవాడై సర్వాధికారియై
సింహాసనాశీనుడై నను చేర్చుకొనును 
సీయోను రాజుతో రాత్రిలేని రాజ్యములో     
ఆరాధింతునే వేవేల దూతల పరివారముతో