దయకలిగిన యేసయ్యా.. నీ

దయకలిగిన యేసయ్యా.. నీ
కళ్ళలోన కరుణను చూపి
కఠినమైన నా హృదయం కరిగించినావయ్యా

నీ ద్వారా మేలులు పొంది నిన్ను నేను నమ్మించితిని
నీవెవరో తెలిసి కూడా ఎరుగనని బొంకితినయ్యా
కరుణారస భరితుడా - కోపమేమి చూపక
కరుణతోనే నన్ను - నీ కౌగిట చేర్చితివి

తండ్రి నీ ఇంట నుండి ఎంతో ప్రేమనుభవించి
క్రమశిక్షణ తాళలేక నీకు దూరమైతినయ్యా
ప్రేమాపరిపూర్ణుడా - నన్ను త్రోసివేయక
ప్రేమతోనే మరలా - నీ ఇంటికి పిలిచితివి

పూర్వమందు నిన్ను నేను హింసించి దూషించితిని
నీవెవరో తెలియకనే నీ సంఘమును చెరిపితినయ్యా 
కృపా సంపూర్ణుడా - నా కన్నులు తెరిపించి
కృపతోనే నన్ను - నీ సేవకు పిలిచితివి