దీనుడా దైవకుమారుడా

దీనుడా దైవకుమారుడా - దీనుల పాలిట కృప చూపువాడ 
చూపిన కృపలో క్షమించబడితిమి 
చూపిన కృపతో దీవించబడితిమి (2)
దీనుడా నా యేసయ్యా - దీనుడా నా యేసయ్యా
ఇక పై నేను నీ కంకితము (2)

నూతన సంవత్సరం ధరింపజేసితివి 
వ్యాధి బాధల్లో బ్రతికించి లేపితివి (2)
దీనుడా నా యేసయ్యా - దీనుడా మృత్యుంజేయుడా
ఇక పై నేను స్తుతియించెదను (2)

శాశ్వత ప్రేమతో నను ప్రేమించి 
ఆవేదనలో ఆదుకొంటివి (2)
దీనుడా నా యేసయ్యా - దీనుడా ఐశ్వర్యవంతుడా
ఇక పై నేను ఆరాధించెదను (2)

మహిమతో మమ్మును పుటము వేసి
నీ రూపములో చెక్కుచుంటివి (2)
దీనుడా నా యేసయ్యా - దీనుడా శిల్పకారుడా
ఇక పై నేను సేవించెదను (2)