నడిపిస్తాడు నా దేవుడు

నడిపిస్తాడు నా దేవుడు – శ్రమలోనైనా నను విడువడు 
అడుగులు తడబడినా – అలసట పైబడినా 
చేయి పట్టి వెన్నుతట్టి – చక్కని ఆలొచన చెప్పి

అంధకారమే దారి మూసినా – నిందలే నను కృంగదీసినా 
తన చిత్తం నెరవేర్చుతాడు
గమ్యం వరకు నను చేర్చుతాడు 

కష్టాల కొలిమి కాల్చివేసినా – శోకాలు గుండెను చీల్చివేసినా 
తన చిత్తం నెరవేర్చుతాడు
గమ్యం వరకు నను చేర్చుతాడు

నాకున్న కలిమి కరిగిపోయిన – నాకున్న బలిమి తరిగిపోయిన 
తన చిత్తం నెరవేర్చుతాడు
గమ్యం వరకు నను చేర్చుతాడు