నమ్మకమైన దేవుడవైన

నమ్మకమైన దేవుడవైన నీవే చాలు యేసయ్యా
నేనేమైయున్నా ఏ స్థితిలో ఉన్నా ఇంకేమీ కోరుకోనయ్యా

ఆప్తులైనవారే హానిచేయచూసినా
మిత్రులే నిలువకుండినా
న్యాయము తీర్చే నీవు నాకుంటే
చాలు యేసయ్యా-చాలు యేసయ్యా

జ్ఞానమంతా చూపి శక్తిధారపోసినా
నష్టమే మిగులుచుండినా
శాపము బాపే నీవు నాకుంటే
చాలు యేసయ్యా-చాలు యేసయ్యా

కష్టకాలమందు గుండె జారిపోయినా
గమ్యమే తెలియకుండినా
సాయము చేసే నీవు నాకుంటే
చాలు యేసయ్యా-చాలు యేసయ్యా