నా జీవితాన కురిసెనే

నా జీవితాన కురిసెనే నీ కృపామృతం
నా జిహ్వకు మధురాతి మధురం నీ నామగానామృతం 
నీ కృపతోనే అనుక్షణం తృప్తి పొందెదను 

నీ దయ నుండి దూరము కాగా
ప్రేమతో పిలిచి పలుకరించితివే 
కృపయే నాకు ప్రాకారము గల - ఆశ్రయపురమాయెను
నీ కృప వీడి క్షణమైనా నేనెలా మనగలను

నా యేసయ్యా - నీ నామమెంతో
ఘనమైనది - కొనియాడదగినది 
కృపయేనా ఆత్మీయ అక్కరలు సమృద్ధిగా తీర్చెను
నీ మహదైశ్వర్యము ఎన్నటికి తరగనిది 

నీ సన్నిధిని నివసించు నాకు
ఏ అపాయము దరిచేరనివ్వవు 
కృపయేనా అడుగులు స్థిరపరచి బండపై నిలిపెను
నీ ఔన్నత్యమును తలంచుచూ స్తుతించెదను