నాది నాది అంటూ

నాది నాది అంటూ వాదులాట నీకెందుకు
ఏది నీది కాదు సత్యమిది ఎరుగవెందుకు
ఇహలోక ఆశలెందుకు- పైనున్న వాటినే వెదకు

నిన్న నీది అనుకున్నది నేడు నీది కాకపోయెనే
నేడు నీకు ముందున్నది రేపు కానరాకపోవునే
క్షణికమైనవాటి కొరకు ప్రాకులాట నీకెందుకు
అక్షయ దైవరాజ్యమే నిలుచును తుదవరకు

నీ దగ్గర ధనముంటే నీచుట్టు మనుష్యులుంటారు
నీ లోపల బలముంటే నిను మావాడని అంటారు
వీధనము నీ బలగం నీ చావునాపలేవు
తప్పకుండ ఒకనాడు మట్టిలోన కలుస్తావు

నీకున్న గొప్ప ఖ్యాతి నిన్ను రక్షించలేదు
నీయొక్క స్వంతనీతి శిక్షను తప్పించలేదు
గడ్డిపువ్వులాంటిదేగదా ఇలలోన నీదు జీవితం
యేసయ్యకు అర్పిస్తే అవుతుందిలే సార్థకం