నీతో పోల్చుటకు సర్వేశా

నీతో పోల్చుటకు సర్వేశా - ఎవరును లేరు ప్రకాశా

స్తుతిపాడుటకు యేసునాధా - చాలవు పదివేల నాలుకలు

నిజముగా యేసు పరిశుద్ధుడు - పరమ దేవుని చూచుటకు
స్తుతులతోను కవిత్వముతో - దేవదేవుని చేరెదము

చేతి పటములు రాళ్ళు మన్ను - మనకు దైవము కానేరవు
ఆత్మతోను సత్యముతో - ఆరాధింతుము మన దేవుని

నశించును వెండి బంగారము - లోకమాయలు గతించును
విలువైనది స్థిరమైనది - యేసునాధుని కృపావరమే

దైవసుతుడుగ అవతరించెన్ - పాపశోధనలు తొలగించెన్
నరులకై జీవమిచ్చెన్ - నశించు జనులను రక్షించెను

పొంగుచుండిన అలలను - తొక్కునటువంటి ప్రభువు
అణగిపోవున్ గద్దించగనే - అద్దరి మనము చేరుటకు

జీవమిచ్చి లేచెను ప్రభువు - జీవదేవుడు విజయుడయ్యెన్
యేసు ప్రభువు తిరిగివచ్చున్ - సమీపించు ఆ శుభదినము