నీతో సమమెవరు

నీతో సమమెవరు నీలా ప్రేమించేదెవరు
నీలా క్షమియించేదెవరు - యేసయ్యా
నీలా పాపికై ప్రాణం పెట్టినవారెవరు 

లోక బంగారము ధనధాన్యాదులు - ఒక పోగేసిన నీతో సరితూగునా
జీవనదులన్నియు సర్వసంద్రములు ఒక్కటై ఎగసిన నిన్ను తాకగలవా 
నీలా పరిశద్ద దేవుడెవరున్నారయ్యా-నీవెగా మంచిదేవుడవు 

పలు వేదాలలో మత గ్రంధాలలో -  పాపమే సోకని పరిశుద్ధుడేడి
పాపపరిహారార్ధం సిలువమరణమొంది తిరిగిలేచినట్టి దైవనరుడెవ్వరు 
నీలా జాలిగల ప్రేమగల దేవుడేడి - నీవేగా విమోచకుడవు

నేను వెదకకున్న నాకుదొరికితివి నేను ప్రేమించకున్న నన్ను ప్రేమించితివి
నీకుగాయాలుచేసి తరచు రేపితిని - నన్నెంతోసహించి క్షమియించితివి 
లోకసౌఖ్యాలన్ని ఒకచోట కుమ్మరించిన
నీవేగా చాలిన దేవుడవు