నీపైనే ఆనుకొని

నీపైనే ఆనుకొని రాస్తున్న స్తుతికావ్యం
నీ కొరకే పూనుకొని చేస్తున్న ప్రతికార్యం
నీ మహిమకై ఫలియించగా కృప చూపిన యేసయ్య

వేలగొంతుల్లో మారుమ్రోగేలా - వేదనను తొలగించేలా
సంగీతమే సందేశంలా
హృదయాలను కదిలించగా కృపచూపిన యేసయ్యా

గుండెలోతుల్లో ఉండిపోయేలా - సంతోషం కలిగించేలా
స్వరవేదమే జయనాదంలా
విజయాలను కలిగించగా కృపచూపిన యేసయ్యా

మారుమూలల్లో విస్తరించేలా - నీ ప్రేమ వివరించేలా
సంకీర్తనే నైవేద్యంలా
ఘనక్రియలను జరిగించగా కృపచూపిన యేసయ్యా