ప్రభువా నీ కలువరి త్యాగము

ప్రభువా నీ కలువరి త్యాగము
చూపెనే నీ పరిపూర్ణతను
నాలో సత్‌ క్రియలు ప్రారంభించిన అల్పా ఓమేగా నీవైతివే|| ప్రభువా ||

నీ రక్షణయే ప్రాకారములని
ప్రఖ్యాతియే నాకు గుమ్మములని తెలిపి - 2
లోకములోనుండి ననువేరు చేసినది
నీదయా సంకల్పమే - 2|| ప్రభువా ||

జీవపు వెలుగుగ నను మార్చుటకే
పరిశుద్ధాత్మను నాకొసగితివే - 2
శాశ్వత రాజ్యముకై నను నియమించినది
నీ అనాది సంకల్పమే - 2|| ప్రభువా ||

సంపూర్ణునిగా నను మార్చుటకే
శ్రమలలో నీ కృప నిండుగ నిచ్చితివే - 2
పరిపూర్ణ శాంతితో నను కాచుటయే
నీ నిత్యసంకల్పమే - 2