అలల పైనే నడచినా

అలల పైనే నడచినా నాదు యేసయ్యా- ఆదు కోవయ్యా ..
గలిబిలిని నా కలవరములను - తొలగచేసిన కలుషహరుడా
నాదు యేసయ్యా... ఆదు కోవయ్యా... నాదు యేసయ్యా

శుద్ధుడా నీ పిలుపు వింటిని - అద్దరికి నే పయన మైతిని
ప్రొద్దుపోయెను భయము లాయెను - ఉద్ధరించగ స్వామి రావా

నట్టనడి సంద్రాన రేగెను- అట్టహాసపు పెనుతుఫాను 
గట్టుచూడగా చాల దూరము - ఇట్టి శ్రమలలో చిక్కు కొంటిని

అలలు నాపై విసరి కొట్టగా - నావ నిండుగా నీరు చేరెను 
బ్రతుకులెంతో భారమాయెను - రేవు చేరే దారి లేదా

మాట మాత్రపు సెలవు చేత - సూటిగా అద్భుతములెన్నో 
చాల చేసిన శక్తి మంతుడా - జాలి చూపి మమ్ము బ్రోవుమా

చిన్న జీవిత నావ నాది - నిన్నేగురిగా పయనమైతిని
ఎన్నోశోధన లెన్నో భయములు - కన్నతండ్రి కానరావా