మరలిరండి దైవజనమా

మరలిరండి దైవజనమా - ప్రభుని పిలుపిదే తరలిరండి
కూలిపోయిన మన బ్రతుకుల - బలిపీఠములను కట్టగరండి

బహుకాలముగా ఆకాశములు - వర్తము నీయక మూయబడెను
ఎంత నలిగినను దైవజనమున - ప్రార్ధన దాహము పుట్టకపోయెను
సంఘమున మన జీవితములలో - బలిపీఠములె కూలిపోయెను

పశ్చాత్తాపులై గత జీవితమును - విడచియు దేవుని వైపుకు మరలి
మొదటి ప్రేమ మరల మండించి - దేవుని వాగ్దానము చేపట్టి
మేలుకొనుడి మన దేవుని వేడగ - పూనుకొనుడి బలిపీఠము కట్టగ

దేవుని తోట మిడతలపాలై - పాడై పోయెను బీడుగ మారెను
మత్తులారా మేల్కొనండి - ఉజ్జీవముకై మొరలిడరండి
పిలువనంపుడి ప్రార్థనవీరుల - బలిపీఠము కడరోధించండి