రండి రండి యేసుని

రండి రండి యేసుని - యొద్దకు రమ్మనుచున్నాడు
అ.ప.ప్రయాసపడి భారము మోయువారలు - ప్రభుని చెంతకు పరుగిడి వేగమే

యేసుని పిలుపు వినియు నింక - యోచింప రేల
అవనిలో అగచాట్లపాలైన - దొరకదు శాంతి ఆత్మకు నిలలో

కరువు రణము మరణము చూచి - మనస్సు మార్చరేలా
యూదులు పాలస్తీన చేరుటలో - ప్రవచనములు సంపూర్ణము లాయెను 

ప్రభుయేసు నీ కొరకై తనదు - ప్రాణము నిచ్చెగదా
సిలువలో రక్తము చిందించియును - బలియాయెను యా ఘనుడు మనకై

యేసుని నామము నందే-పరమ నివాసము దొరకును
ముక్తిని పాపవిమోచనమును - శక్తిమంతుడు యేసే యిచ్చును

నేనే మార్గము నేనే - సత్యము నేనే జీవమును
నేనేగాకింకెవ్వరు లేరని - ఎంచి చెప్పిన యేసుని యొద్దకు

హల్లెలూయ హల్లెలూయ - హల్లెలూయ ఆమెన్
హల్లెలూయ హల్లెలూయ - హల్లెలూయ హల్లెలూయ