సంతోషం ఉత్సాహం

సంతోషం ఉత్సాహం కలసిన జయగీతం - యేసే మా రక్షకుడు
ఇదే మా నినాదం - మనమాయన ప్రజలం ఆయన మేపు గొర్రెలం
స్తుతి చేయుచు ప్రకటించుచు ప్రభు కృపలో సాగెదం

చితికిన మా బ్రతుకులను అతికినాడని - గతుకులసుడి దారినుండి
లేపినాడని - అధికమైన ప్రేమతో చేరదీసినాడని
తన రక్షణ కౌగిటిలో కాపాడుచున్నాడని

ధరను ప్రేమించిన నర రూపధారుడని - నరులకై తన ప్రాణం
ధారపోసినాడని - మృతిని గెల్చి తిరిగి లేచి విజయమిచ్చాడని
తన సంఘవధువుకై తిరిగి రానున్నాడని

భూదిగంత వాసులారా - యేసువైపు చూడుడి - దీనమనస్సుతో
ప్రభుని ఆశ్రయించుడి - దురలవాట్లకీడునుండి విమోచించెను
మనశాంతి రోగశుద్ధి మోక్ష ప్రాప్తినిచ్చును