సాగిలపడి మ్రొక్కెదము

సాగిలపడి మ్రొక్కెదము - సత్యముతో ఆత్మతో మన ప్రభు యేసుని

మోషే కంటే శ్రేష్టుడు - అన్ని మోసముల నుండి విడిపించున్
వేషధారులను ద్వేషించున్ - ఆశతో మ్రొక్కెదము

అహరోనుకంటే శ్రేష్టుడు - మన ఆరాధనకు పాత్రుండు
ఆయనే ప్రధాన యాజకుడు - అందరము మ్రొక్కెదము

ఆలయముకన్న శ్రేష్టుడు - నిజ ఆలయముగా తానే యుండెన్
ఆలయము మీరే యనెను - ఎల్లకాలము మ్రొక్కెదము

యోనా కంటె శ్రేష్టుడు - ప్రాణదానముగా తన్ను అర్పించెన్
మానవులను విమోచించెన్ - ఘనపరచి మ్రొక్కెదము

సొలొమోనుకన్న శ్రేష్టుడు - సర్వ జ్ఞానమునకు ఆధారుండు
పదివేలలో అతి ప్రియుండు - పదిలముగా మ్రొక్కెదము

రాజులకంటె శ్రేష్టుడు - యాజకులనుగా మనలను చేసెన్
రారాజుగ త్వరలో వచ్చున్ - రయముగను మ్రొక్కెదము

అందరిలో అతి శ్రేష్టుడు - మనకందరికి తానే ప్రభువు
హల్లెలూయకు పాత్రుండు - అనుదినము మ్రొక్కెదము