స్తోత్రించెదము - స్తోత్రించెదము

స్తోత్రించెదము - స్తోత్రించెదము యేసుదేవుడా
మా జీవనాధ - ప్రేమనాధ స్తోత్రించెదము

ఏడు నక్షత్రములను - కుడిచేత పట్టుకొని
యేడు దీపంబుల మధ్య - సంచరించువాడా

మొదటివాడ కడపటివాడా - మృతుడైనవాడా
మృతినిగెల్చి లేచినవాడా - మదినిను దలచెదమూ

వాడియైన రెండంచుల - ఖడ్గము కలవాడా
పాడి నిన్ను భజియించెదము - పరమ పురి వాస

అగ్నిజ్వాల వంటి - కన్నులు కలిగినవాడా
అపరంజిని బోలిన - పాదముల దేవుని కుమార

ఏడు నక్షత్రములు - దేవుని యేడాత్మలునూ
కలిగిన వాడా కరుణించి - మము కాపాడుమయ్యా

దావీదు తాళపుచెవిని - బడసినవాడా
సత్యస్వరూపి  పరిశుద్ధుండా -సంఘములకు కర్తా

ఆమెన్ అనువాడా - నమ్మకమైన నా నాథుడా 
సత్యసాక్షి దేవుని సృష్టికి - అదియు నీవేగా