నాకంటూ ఈ జగాన

నాకంటూ ఈ జగాన - నీవే కదా నా యేసయ్య  
జీవించెద నీ కోసమే - చావైతే నిన్ను చేర ఆశయా
నా ప్రభువా - ఎంత ప్రేమయా - ఊహించలేనయా నాపై నీకున్న దయ 
నాకంటూ ఈ జగాన - నీవే కదా నా యేసయ్య

ఆశల వలయాలు నను చుట్టుకొనగా - కొనఊపిరితో నే పడి ఉండగా
నీ చేతితో నను లేపినావు - నీ ప్రాణమిచ్చి నను కొన్నావు 
ఎంత ప్రేమయా నా యేసయ్య - ఊహించలేనయా

నీ అడుగులలోనే నా ఈ పయనం - నీ సిలువ చెంతనే సేద తీర్చుకొందును 
ఎన్నో ఇక్కట్లు కన్నీటి కష్టాలు - ఎన్నో ఇక్కట్లు కన్నీటి కష్టాలు 
నీ కృపలో ఉందునయా  - ఎంత ప్రేమయా - ఊహించలేనయా నా మంచి  యేసయ్య