దేవా నా మొర వినవా

దేవా నా మొర వినవా - నా ప్రార్థన ఆలకించవా . .
నా పాపము నన్ను తరుమగా - నా ప్రాణము తల్లడిల్లగా .
నీ చెంతకు చేరినానయ్యా - నీ శరణే కోరినానయ్యా 

గాలికి ఊగేరెల్లె నా మనసు
నెమ్మది లేక కదులుచున్నది
చేసిన దోషములు నన్ను తరుమగను
వేదనతో హృదయం అదురుచున్నది .
క్షమియించువాడ నా యేసురాజ
ఈ ఘోరపాపిని క్షమియించుమా

గతించిపోయే లోకపు నటనలు
స్థిరమని నమ్మి మోసపోతిని .
గమ్యం తెలియని , జీవిత యాత్రలో
గతియేమవ్వునో ఎరుగనైతిని .
నడిపించువాడ నా యేసురాజ
నీ చేతితో నన్ను దరిజేర్చుమా