దీనుడు అజేయుడు

దీనుడా అజేయుడా - ఆదరణ కిరణమా
పూజ్యుడా పరిపూర్ణుడా - ఆనంద నిలయమా 
జీవదాతవు నీవని శృతిమించి పాడనా 
జీవధారవు నీవని కానుకనై పూజించనా  
అక్షయ దీపము నీవే - నా రక్షణ శృంగము నీవే
స్వరార్చనచేసేదా నీకే - నా స్తుతులర్పించెద నీకే 


సమ్మతి లేని సుడిగుండాలే - ఆవరించగా 
గమనము లేని పోరాటలే - తరుముచుండగా
నిరుపేదనైనా నా యెడల - సందేహమేమీ లేకుండా 
హేతువేలేని - ప్రేమ చూపించి -  సిలువ చాటునే దాచావు
సంతోషము నీవే - అమృత సంగీతము నీవే
స్తుతి మాలిక నీకే - వజ్రసంకల్పము నీవే   


సత్య ప్రమాణము నెరవేర్చుటకే -  మార్గదర్శివై
నిత్య నిబంధన నాతో చేసిన - సత్యవంతుడా
విరిగి నలిగిన మనసుతో - హృదయర్చనే చేసేద
కరుణ నీడలో - కృపవాడలో - నీతో ఉంటే చాలుయ్యా
కర్తవ్యము నీవే - కనుల పండుగ నీవేగా
విశ్వాసము నీవే - విజయ శిఖరము నీవేగా


ఊహకందని ఉన్నతమైనది - దివ్య నగరమే
స్పటికము పోలిన సుందరమైనది -  నీ రాజ్యమే
ఆ నగరమే లక్ష్యమే -  మహిమత్మాతో నింపినావు
అమరలోకాన - నీ సన్నిధిలో క్రొత్త కీర్తనే పాడెదను
ఉత్సాహము నీవే - నయనోత్సవం నీవేగా
ఉల్లాసము నీలో -  ఊహల పల్లకి నీవేగా