కృపగల దేవా దయగల రాజ

కృపగల దేవా దయగల రాజ - చేరితి నిన్నే బహుఘనతేజ
నీ చరణములే నే కోరితిని - నీ వరములనే నే వేడితిని
సర్వాధికారి నీవే దేవా - నా సహకారి నీవే ప్రభువా
నా కోరికలే సఫలము చేసి - ఆలోచనలే నెరవేర్చితివి
అర్పించెదమ నా సర్వమున నీకే దేవా - ఆరాధించి ఆనందించెద నీలో దేవా


త్రోవను చూపే తారవు నీవే - గమ్యము చేర్చే సారధి నీవే
జీవనయాత్ర శుభప్రదమాయే - నా ప్రతి ప్రార్థన పరిమళమాయే
నీ ఉదయకాంతిలో నను నడుపుము - నా హృదిని నీ శాంతితో నింపుము

 
కృప చూపి నన్ను అభిషేకించి - వాగ్దానములు నెరవేర్చినావే
బహు వింతగా నను ప్రేమించినావే - బలమైన
జనముగా నమ మార్చినావే
నీ కీర్తి జగమంత వివరింతును - నీ దివ్యమహిమలను ప్రకటింతును


నా యేసురాజ వరుడైన దేవా - మేఘాల మీద దిగివచ్చువేళ
ఆకాశవీధిలో కమనీయ కాంతిలో - ప్రియమైన సంఘమై నిను చేరెదను
నిలిచెదను నీతోనే సీయోనులో - జీవింతు నీలోనే యుగయుగములు