నా మదిలోని ఆనందమా

నా మదిలోని ఆనందమా
నా ఊహలోని ఆశ్చర్యమా
నా ఏకాంతంలో ఓ స్నేహమా
నా అనుభవాలో అనురాగమా      
యేసయ్యా.... ఎన్నితరాలకైన
యేసయ్యా.... మాస్థితులేవైన        
మాట తప్పేవాడవు కానేకావయా
నిన్ను కలిగిన హృదయం  
పదిలం మెస్సయ్య        


నా నడకలో నీ అడుగు ఉందనీ
నా శ్వాస కేవలం నీ కృప మాత్రమేననీ     
నీవు లేకుండా ఈ పయనం సాగదనీ...
నీస్మరణ లేని నా ఊపిరి వ్యర్ధమని     
తెలుసుకున్నానయ్యా ఇల నువ్వే చాలయ్య 
ఈ లోకం వద్దయ్యా 
నిన్నే వెంబడిస్తానయ్య  


నాలోని ఆనందం నీదేనని
నా జీవితాన్ని ఆశ్చర్యంగా మలిచావని  
ఒంటరైన వేళ వెంటే ఉన్నావనీ....
నీ అనురాగమే కొండంత అండనీ....      
సాక్షిగుంటానయ్యా నిను విడచి మనలేనయ్య 
నీవే కావాలయ్యా 
అది ఈ జన్మకు చాలయ్య